अर्थ प्रणाली 
काठमाडौं । आज काठमाडौंका विभिन्न क्षेत्रमा दिउँसो बिजुली काटिने भएको छ । नेपाल विद्युत् प्राधिकरणका अनुसार बिहान ११ बजेदेखि ३ बजेसम्म काठमाडौंको लाजिम्पाट, पानीपोखरी, बालुवाटार क्षेत्रमा बिजुली काटिनेछ ।
प्राधिकरणले एक सूचना जारी गर्दै महाराजगंज वितरण केन्द्र अन्तर्गतका क्षेत्रका बिजुली काटिने जानकारी दिएको हो । केबल लाइन विस्तारको काम भएकाले पुरै सटडाउन गरेर काम गर्नुपर्ने प्राधिकरणले जनाएको छ ।
कार्य निर्धारित समय अगावै सम्पन्न भएमा सो समयभन्दा अगावै लाइन सुचारु हुन सक्ने समेत प्राधिकरणले जनाएको छ ।
