अर्थ प्रणाली 
काठमाडौ। सामाजिक सञ्जाल टिकटक नेपालमा आधिकारिक रूपमा सूचीकृत भएको छ । मंगलबार टिकटकले नेपालमा आधिकारिक रूपमा सूचीकृत भएको प्रमाणपत्र लिएको हो ।
सञ्चार तथा सूचना प्रविधि मन्त्रालयका अनुसार टिकटक औपचारिकरूपमा मन्त्रालयमा सूचीकृत भएको हो। टिकटकले करदाता नम्बर र प्यान नम्बर पनि लिएको मन्त्रालयले जनाएको छ ।
नेपालमा सूचीकृत भएसँगै साइबर अपराधको अनुसन्धानमा टिकटक कम्पनीले सघाउने प्रतिबद्धता जनाएको छ । यति मात्रै नभएर नेपालको कानुन तथा सर्त मान्न पनि कम्पनी तयार भएको र पर्यटन प्रवर्द्धन एवं डिजिटल साक्षरतामा पनि सघाउने प्रतिबद्धता जनाएको छ ।
