अर्थ प्रणाली 
काठमाडौं । सरकारले तरकारी तथा फलफूलको बजारमूल्य आकाशिएपछि त्यसलाई नियन्त्रण गर्ने बताएको छ ।
उद्योग, वाणिज्य तथा आपूर्ति मन्त्री दामोदर भण्डारीले काठमाडौंको कालीमाटी, कुलेश्वर र बल्खु लगायत क्षेत्रमा रहेका तरकारी तथा फलफूल बजारको अनुगमन गर्दै बजार मूल्य नियन्त्रण गर्ने बताएका हुन् ।
चारैतिरबाट बजारमा तरकारी तथा फलफूलको मूल्य आकासिएको भन्दै सरकारको आलोचना बढ्न थालेपछि आइतबार ढिलो गरी मन्त्री भण्डारी तरकारी तथा फलफूल बजारको अनुगमन र निरिक्षणमा पुगेका थिए । उनले सम्बन्धित पक्षसँगको छलफलपछि किसानले पाएको मूल्य र बिक्री मूल्य हेरेर सरकारले तरकारी तथा फलफूलको बजार मूल्य निर्धारण गर्ने पनि बताए ।
यता उपभोक्ताहरूले भने बजारमा तरकारी तथा फलफूलको मूल्य दश गुणासम्म बढाएको भन्दै व्यापारीमाथि कारबाही गर्न सरकारको ध्यानाकर्षण गराएका थिए ।
