अर्थ प्रणाली 
काठमाडौं । सरकारले भारी वर्षा र त्यसपछि निम्तनसक्ने जोखिमको पूर्वानुमानलाई मध्यनजर गर्दै असोज ११ र १२ गते रात्रीबस चलाउन रोक लगाएको छ ।
राष्ट्रिय विपद् जोखिम न्यूनिकरण तथा व्यवस्थापन प्राधिकरणले भारी वर्षाको पूर्वानुमानका कारण रात्रीबस सञ्चालनमा रोक लगाउने निर्णय गरेको प्राधिकरणले एक सूचना जारी गर्दै जनाएको छ ।
मनसुन पूर्वतयारी तथा प्रतिकार्य कमाण्ड पोष्टको निर्णयअनुसार विशेषगरी रातको समयमा यात्रा गर्दा पहिरो तथा बाढीको आँकलन गर्न कठिन हुने भएकोले उच्च जोखिम रहेका हिमाली तथा पहाडी जिल्लाहरुमा असोज १९ र १२ गते रात्रीकालिन बस नचलाउने निर्णय भएको प्राधिकरणका प्रवक्ता डा. डिजन भट्टराईले जानकारी दिएका छन् ।
पहिरोको जोखिम भएका स्थान र नदी किनाराका बस्तीमा सतर्कता अपनाउने र माछा मार्न, दाउरा निकाल्न नदी किनारमा नजाने निर्णय पनि गरेको छ ।
