अर्थ प्रणाली 
काठमाडौँ । नेपालको डिजिटल रूपान्तरणको यात्रामा नयाँ पुस्ताका उदीयमान प्रतिभाहरूले नेतृत्व लिन थालेका छन् । यसै क्रममा, एक प्रखर बाल आविष्कारक एवं कोडर प्रविधि अधिकारी प्रतिष्ठित ‘योङ्ग साइन्टिस्ट प्रोग्राम’ (Young Scientist Program) मा आबद्ध भएकी छन्। यो यस्तो मञ्च हो जहाँ बालबालिकाको जिज्ञासालाई रचनात्मकतामा ढाल्दै वास्तविक संसारका प्राविधिक समस्या समाधान गर्न सक्षम बनाइन्छ ।
प्रविधिले प्रविधिको क्षेत्रमा रहेका परम्परागत सामाजिक घेराहरूलाई तोड्दै अन्य कोडर छात्राहरूका लागि समेत एउटा बलियो प्रेरणाको स्रोत खडा गरेकी छन् । कोडिङ, गेम डेभलपमेन्ट, समस्या समाधान गर्ने क्षमता र सामूहिक सहकार्यका माध्यमबाट यस कार्यक्रमले विद्यार्थीहरूमा भविष्यका लागि आवश्यक प्राविधिक सीप र आत्मविश्वास विकास गराउँदै आएको छ ।
पारिवारिक वातावरण र मार्गदर्शन
कुनै पनि युवा प्रतिभाको सफलता पछाडि बलियो पारिवारिक मार्गदर्शनको ठूलो भूमिका हुन्छ । प्रविधिका अभिभावकहरू नेपाली सूचना प्रविधि र साइबर सुरक्षा क्षेत्रका स्थापित व्यक्तित्व हुन्
चिरञ्जीवी अधिकारी (बुबा): क्यान महासंघ (CAN Federation) का कार्यवाहक अध्यक्ष, नेपालका स्थापित साइबर सुरक्षा विज्ञ, तथा वन कभर प्राइभेट लिमिटेड (One Cover Pvt. Ltd.) का संस्थापक/सीईओ ।
आमा: नेपालको लोकप्रिय प्रविधि पत्रिका आईसीटी फ्रेम म्यागेजिन (ICT Frame Magazine) की संस्थापक अध्यक्ष ।
अभिभावकद्वयले नेपाली बालबालिकालाई अन्तर्राष्ट्रिय स्तरको प्रविधि शिक्षा प्रदान गर्न दुरशिक्षा एजुकेसन नेटवर्क (Dursikchya Education Network) ले खेलेको भूमिकाको उच्च प्रशंसा गरेका छन् । दुरशिक्षाले अमेरिकाको सबैभन्दा पुरानो र प्रतिष्ठित प्रविधि अनुसन्धान तथा प्रमाणीकरण संस्था STEM.org सँगको साझेदारीमा विश्वस्तरीय शिक्षण विधि (Pedagogics & Andragogics) नेपाल भित्र्याएको छ ।
“STEM.org जस्ता विश्वस्तरीय पाठ्यक्रमको प्रयोगले दुरशिक्षा जस्ता मञ्चहरूले नेपाली युवा मस्तिष्कलाई विश्व मानचित्रमा प्रस्तुत गर्न सफल भएका छन् । यसले हाम्रा बालबालिका विश्व बजारमा प्रतिस्पर्धा गर्न योग्य छन् भन्ने सावित गर्दछ ।”
यस्ता दुरगामी अभियानहरूका कारण प्रविधि अधिकारी जस्ता बाल आविष्कारकहरू केवल कोड लेख्न मात्र सिकिरहेका छैनन्, बरु एक समृद्ध र डिजिटल नेपालको बलियो जग निर्माण गर्दैछन् ।
