अर्थ प्रणाली 
काठमाडौं । माउन्टेन इनर्जी नेपाल लिमिटेडले लाभांश घोषणा गरेको छ । कम्पनीको कार्तिक २० गते बसेको संचालक समितिको १३४ औँ बैठकले आर्थिक वर्ष २०८१/८२ को मुनाफाबाट २१.०५२६ प्रतिशत लाभांश दिने निर्णय गरेको हो ।
बैठकले २० प्रतिशत बोनस शेयर र कर प्रयोजनको लागि १.०५२६ प्रतिशत नगद लाभांश गरि कुल २१.०५२६ प्रतिशत लाभांश वितरण गर्ने प्रस्ताव गरेको हो ।
कम्पनीको आगामी साधारणसभाले पारित गरेपछि उक्त लाभांश लगानीकर्तालाई वितरण गरिनेछ ।
कम्पनीले मङ्सिर २९ गतेका लागि साधारणसभा बोलाएको छ । साधारणसभा प्रयोजनको लागि कम्पनीले मङ्सिर १७ गते बुक क्लोज गर्ने निर्णय गरेको छ । त्यसअनुसार मङ्सिर १६ गतेसम्म कायम शेयरधनीले मात्र कम्पनीको सभामा भाग लिन र प्रस्तावित लाभांश पाउन सक्नेछन् ।
