अर्थ प्रणाली 
काठमाडौं । दार्चुला पावर लिमिटेडले ९ औँ वार्षिक साधारणसभा बोलाएको छ । कम्पनीले मङ्सिर १२ गते शुक्रबार बिहान ११ बजेका लागि होटल क्रिष्टल पशुपति गौशालामा साधारणसभा आह्वान गरेको हो । साधारणसभाको विशेष प्रस्तावमा आईपीओ निष्काशन गर्ने र सो को लागि पुँजी संरचना वृद्धि गर्नका लागि प्रबन्धपत्र र नियमावलीमा आवश्यक संशोधन गर्ने, समान उदेश्य रहेका पब्लिक वा प्राइभेट कम्पनीँंग मर्जर तथा प्राप्ति गर्ने, यी कार्यको लागि संचालक समितिलाई अख्तियारी दिने लगायतका प्रस्ताव पेश हुने छन् । मंसिर ५ गतेभन्दा अघिल्लो दिनसक्क कायम शेयरधनीले साधारण सभामा भाग लिन सक्ने कम्पनीले जनाएको छ ।
कम्पनीले कम्पनीले दार्चुलामा २८.३ मेगावाट क्षमताको मध्य चमेलिया जलविद्युत आयोजना निर्माण गरिरहेको छ । आयोजनाको कुल लागत ५६६ करोड रहेको छ । यो अपि पावरको सहायक कम्पनी हो ।
कम्पनीको सभामा पेश हुने प्रस्तावहरु यस्ता छन्ः
सामान्य प्रस्तावः
१. संचालक समितिको तर्फबाट अध्यक्षद्वारा आर्थिक वर्ष २०८१ ÷ ०८२ को वार्षिक प्रतिवेदन प्रस्तुत, छलफल तथा स्वीकृत गर्ने सम्बन्धमा ।
२. लेखापरिक्षकको प्रतिवेदन सहित आर्थिक बर्ष २०८१÷०८२ को वासलात, नाफा नोक्सान हिसाब र नगद प्रवाह लगायतका वित्तीय विवरणहरु छलफल तथा स्वीकृत गर्ने सम्बन्धमा ।
३. कम्पनी ऐन २०६३ को दफा १११ अनुसार आ.व २०८२÷०८३ का लागि लेखापरिक्षकको नियुक्ति तथा निजको पारिश्रमिक निर्धारण गर्ने सम्बन्धमा ।
विशेष प्रस्तावः
१. दार्चुला पावर लिमिटेडको साधारण शेयरको प्रारम्भिक सार्वजनिक निष्काशन (आईपीओ) जारी गर्ने सम्बन्धमा ।
२. दार्चुला पावर लिमिटेडको साधारण शेयरको प्रारम्भिक सार्वजनिक निष्काशन (आईपीओ) गर्नका लागि पूँजी संरचना वृद्धि सहित कम्पनीको प्रबन्धपत्र तथा नियमावलीमा आवश्यक संशोधन गर्ने सम्बन्धमा ।
३. कम्पनीले निर्माण तथा विकास गरिरहेको आयोजनाहरुको लागि बैंक तथा वित्तीय संस्थाबाट लिईएको आवश्यक कर्जा कम्पनी ऐनको दफा १०५ (ख) अनुरुप तोकिएको सिमा भन्दा बढी रहेको हुँदा कर्जा अनुमोदन गर्ने तथा आयोजनाहरु विकास, निर्माण तथा संचालनको लागि थप कर्जा आवश्यक भएमा सञ्चालक समितिलाई अख्तियारी प्रदान गर्ने सम्बन्धमा ।
४. दार्चुला पावर लिमिटेडले विद्युत आयोजनाहरुको पहिचान गर्ने, सम्भाव्यता अध्ययन गर्ने र मुनाफादायी आयोजनाहरु विकास, निर्माण तथा संचालन गर्नका लागि लगानी गर्ने सम्बन्धमा संचालक समितिलाई अख्तियारी प्रदान गर्ने सम्बन्धमा ।
५. समान उद्देश्य रहेको पब्लिक तथा प्राईभेट लिमिटेड कम्पनीलाई गाभ्ने गाभिने वा प्राप्ति गर्ने प्रयोजनार्थ कम्पनीको संचालक समितिलाई अख्तियारी प्रदान गर्ने सम्बन्धमा ।
६. कम्पनीको नियमनकारी निकाय विद्युत नियमन आयोग, नेपाल धितोपत्र बोर्ड, नेपाल स्टक एक्सचेन्ज लिमिटेड, कम्पनी रजिष्ट्रारको कार्यालय लगायतका नियामक निकायहरुमा कम्पनीको साधारण शेयरको प्रारम्भिक सार्वजनिक निष्काशन (आईपीओ) गर्दा तथा कम्पनी अद्यावधिक गर्दा कम्पनीको प्रबन्धपत्र तथा नियमावलीमा आवश्यक संसोधन थपघट वा परिर्माजन गर्नुपर्ने भएमा कम्पनीको संचालक समितिलाई आवश्यक कार्य गर्न अख्तियारी प्रदान गर्ने सम्बन्धमा ।
