अर्थ प्रणाली 
काठमाडौं । नेपाल राष्ट्र बैंकले प्रभु टेक्नोलोजी प्राइभेट लिमिटेडलाई प्रदान गरेको भुक्तानी सेवा प्रदायकको अनुमतिपत्र नवीकरण नगरेको जनाएको छ ।
एक सूचना जारी गर्दै राष्ट्र बैंकको भुक्तानी प्रणाली विभागले लिमिटेडलाई राष्ट्र बैंकबाट मिति २०७६/११/११ मा प्रदान भएको भुक्तानी सेवा प्रदायकको अनुमतिपत्र भुक्तानी तथा फस्र्योट ऐन, २०७५ को दफा १३ (४) को व्यवस्थाबमोजिम नवीकरण नगरिएको जनाएको छ ।
सूचनामा त्यस संस्थाले जारी गरेका भुक्तानी उपकरणहरू प्रयोग गर्ने ग्राहकको संस्थासँग कुनै लेनदेन बाँकी रहेको भए यो सूचना प्रकाशन भएको मितिले ३० दिनभित्र सम्बन्धित संस्थामा सम्पर्क गर्न समेत भनेको छ ।
