अर्थ प्रणाली 
काभ्रे । संस्कृति, पर्यटन तथा नागरिक उड्डयन मन्त्री बद्री पाण्डेले पशुपति, लुम्बिनी, जनकपुर लगायत धार्मिक तथा सांस्कृतिक क्षेत्रमा रहेका विकृति र विसंगति निवारणका लागि ठोस कदम चाल्ने प्रतिबद्धता व्यक्त गरेका छन् । उनले सभ्यता, संस्कृति, ज्ञान र दर्शनको पुनर्जागरणलाई सुदृढ बनाउन सबैको ध्यान केन्द्रित हुनुपर्नेमा जोड दिँदै सो कुरा बताएका हुन् ।
मन्त्री पाण्डेले नेपाल विविधतापूर्ण संस्कृति र प्रकृतिले सम्पन्न भएको बताउँदै संसारभरका मानिसले यहाँको अध्ययन, अन्वेषण र अनुभवलाई महत्व दिइरहेको समयमा नागरिक उड्डयनको क्षेत्रलाई समेत मजबुत बनाउन आवश्यक रहेको उल्लेख गरेका छन् ।
उनले हाम्रो सभ्यताले परोपकार, सहअस्तित्व र मानवमूल्यको संरक्षण गर्न सिकाएको भन्दै धार्मिक पीठहरूको पुनर्निर्माणमा मन्त्रालय दृढ रहने उद्घोष गरेका छन् ।
