अर्थ प्रणाली 
काठमाडौं । यस वर्ष नेपालको कुल ७२.१४ प्रतिशत क्षेत्रफलमा रोपाई सम्पन्न भएको छ । कृषि तथा पशुपन्छी विकास मन्त्रालय अन्तर्गतको बाली विकास तथा कृषि जैविक विविधता संरक्षण केन्द्रले दिएको जानकारी अनुसार पानी कम परेको हुनाले रोपाई प्रतिशत कम हुन गएको हाे ।
केन्द्रले दिएको आइतबारसम्मको तथ्याँकअनुसार सुदूरपश्चिम प्रदेशमा ९७ प्रतिशत रोपाई सम्पन्न भएको छ । कर्णाली र लुम्बिनी प्रदेशमा ८८ प्रतिशत, बागमती प्रदेशमा ८७ प्रतिशत, गण्डकी प्रदेशमा ७९ प्रतिशत, मधेश प्रदेशमा ४७ प्रतिशत, कोशीमा ६२ प्रतिशत रोपाई सम्पन्न भएको छ । कोशी र मधेश प्रदेशमा पानी कम परेको हुनाले रोपाई प्रतिशत कम हुन गएको केन्द्रले जनाएको छ
कुल १३ लाख ८३ हजार ७३२.९८ हेक्टर क्षेत्रफलमा धानबाली हुने र त्यसमध्ये ९ लाख ९८ हजार २२८.०२ हेक्टर क्षेत्रफलमा मात्रै रोपाई सम्पन्न भएको छ ।
