अर्थ प्रणाली 
काठमाडौं । नाडा अटोमोवाइल्स एशोसिएशन अफ नेपालले आर्थिक वर्ष २०८२/०८३ को बजेट अटोमोवाइल मैत्री आएको प्रतिक्रिया दिएको छ । बजेटले नेपालको अटोमोवाइल क्षेत्रको बर्षौंदेखिको माग र आवाजलाई समेटेको नाडाको धारणा रहेको छ ।
नेपालको अटोमोवाइल व्यवसायलाई गतिशील एवं चलायमान बनाउन नाडा अटोमोवाइल्स एशोसिएशन अफ नेपालले विभिन्न मितिमा नेपाल सरकारका मन्त्रालय एवं विभागहरुमा विभिन्न नीतिगत सुझावहरु एवं सल्लाहहरु दिएको र नाडाको नीतिगत सुझावहरुलाई मननगरी आगामी आर्थिक वर्षको बजेट आएको नाडाले स्पष्ट पारेको छ ।
‘यो बजेट व्यवसायमैत्री रहेको छ । यस बजेटले उद्यमी र व्यवसायीहरुलाई प्रोत्साहित मात्र गरेको छैन अपितु यसले नेपालको अर्थतन्त्रलाई समेत चलायमान बनाउने छ भन्ने गहिरो आशा राख्दै अब हामीले आउँदो मौद्रिक नीति समेत यसै अनुरुप आउने अपेक्षा राखेका छौं ।’ नाडाले भनेको छ ।
नेपाल सरकारले नाडाको आवाजलाई बजेटमार्फत सम्बोधन गरेकोप्रति धन्यवाद प्रकट गरेको छ ।
