अर्थ प्रणाली 
काठमाडौं । नेपाल आयल निगमले हवाई इन्धनको आन्तरिकतर्फ मूल्य लिटरमा ७ रुपैयाँले घटाएको छ । भारतीय आयल कर्पाेरेशनले पठाएको नयाँ मूल्यसूचिअनुसार हवाई इन्धनको मूल्य घटाइएको हो ।
यसैगरी निगमले डिजेल र मट्टितेलको मूल्य लिटरमा २ रुपैयाँले घटाएको छ ।
हवाई इन्धन अन्तर्राष्ट्रियतर्फ काठमाडौंको लागि प्रति किलोलिटर अमेरिकी डलर ५१ ले घटाईएको छ भने हवाई इन्धन अन्तर्राष्ट्रियतर्फ पोखरा र भैरहवाका लागि ब्रेक इभन पोइन्टमा बिक्री मूल्य कायम गरिएको निगमले जनाएको छ । साथै पेट्रोल र एलपि ग्यासको खुद्रा बिक्री मूल्य यथावत् राखिएको निगमले जनाएको छ ।
नयाँ मूल्य आज राति १ बजेदेखि लागु हुनेछ ।
