अर्थ प्रणाली 
काठमाडौं । केही दिन अगाडि बसेको नेपाल सरकार मन्त्रिपरिषद् बैठकले १०० रुपैयाँको नोटमा नेपालको नयाँ नक्सा राख्ने निर्णय गरेको थियो । लिपुलेक, लिम्पियाधुरा, कालापानीसहितको नेपाली क्षेत्र समेट्ने गरी सय रुपैयाँको नयाँ नोटमा नयाँ चुच्चे नक्सा परिवर्तन गर्न लागिएको हो । यसमा भारतले असन्तुष्टि जनाएको छ । भारतीय विदेशमन्त्री एस जयशंकरले नेपालले एकतर्फी निर्णय गरेको भन्दै असन्तुष्टि जनाएका हुन् ।
त्यसबारे भारतका विदेशमन्त्री जयशंकरले सीमा विवादबारे छलफल भइरहेको बताउँदै यसलाई नेपालको एकपक्षीय कदम भनी टिप्पणी गरेका छन् ।
तत्कालीन प्रधानमन्त्री केपी शर्मा ओली नेतृत्वको सरकारले २०७७ सालमा लिपुलेक, लिम्पियाधुरा, कालापानी लगायतका भूभाग समेटिएको राजनीतिक तथा प्रशासनिक नयाँ नक्सा जारी गरेको थियो ।
