हिजो ३७ सय रुपैयाँले घटेको सुनको मूल्य आज ३८ सयले बढ्यो

काठमाडौं । आज नेपाली बजारमा सुनको मूल्य तोलामा ३ हजार ८ सय रुपैयाँले बढेको छ । हिजो ३ हजार ७ सय रुपैयाँ तोलामा घटेको सुनको मूल्य आज ३ हजार ८ सय रुपैयाँ तोलामा बढेको हो ।

मूल्य बढेर आज सुन प्रतितोला ३ लाख १७ हजार रुपैयाँमा पुगेको नेपाल सुनचाँदी व्यवसायी महासंघले जनाएको छ ।

हिजो सुन प्रतितोला ३ लाख १३ हजार २ सय रुपैयाँमा सुनको कारोबार भएको थियो ।

आज चाँदीको मूल्य पनि बढेर प्रतितोला ५७२० रुपैयाँमा पुगेको छ ।