अर्थ प्रणाली 
काठमाडौँ । अल्पविकसितबाट विकासशील राष्ट्रमा स्तरोन्नतिबारे गृहकार्यमा सरकार जुटेको छ । राष्ट्रिय योजना आयोगले विकासशील राष्ट्रमा स्तरोन्नति गर्नेबारे छलफलसँगै गृहकार्य थालेको हो ।
आयोगले मंसिरसम्ममा विकाशसील राष्ट्रमा स्तारोन्नतिका लागि हालसम्म प्राप्त भएका उपलब्धि, त्यसको समीक्षा, गर्नुपर्ने थप तयारी र अबको रणनीतिबारे सबै पक्षसँग छलफल गर्ने जनाएको छ ।
स्तरोन्नति पछि मुलुकलाई बढीभन्दा बढी लाभ दिलाउने विषयमा सरकार बढी गम्भीर देखिएको छ ।
सोमबार मात्रै अर्थमन्त्री रामेश्वर खनालको उपस्थितिमा आयोगका पूर्वउपाध्यक्षहरू, पूर्वअर्थमन्त्रीहरू, निजी क्षेत्रका प्रतिनिधिमूलक संस्थाका प्रतिनिधि, मुख्य सचिव, सचिवलगायतसँग बसेर यसबारे गम्भीर छलफल गरिएको थियो ।
