अर्थ प्रणाली 
काठमाडौं । प्रधानमन्त्री दैवी प्रकोप उद्धार कोषमा नेपाल आयल निगमले ३ करोड रुपैयाँ सहयोग गरेको छ ।
असोज ११ र १२ गतेको भिषण वर्षाका कारण आएको बाढी, पहिरो र डुबानबाट प्रभावित वर्गलाई राहत र पुनःस्थापना गर्न नेपाल सरकारले देखाएको दृढता र सक्रियतामा थप सहयोग पुर्याउन निगम संचालक समितिको निर्णय अनुसार नेपाल आयल निगम लिमिटेडको तर्फबाट सहयोग भएको हो ।
निगमले प्रधानमन्त्री केपी शर्मा ओलीलाई ३ करोड रुपैयाँ बराबरको चेक हस्तान्तरण गरेको छ ।
