अर्थ प्रणाली 
काठमाडौं । राष्ट्रिय वाणिज्य बैंक लिमिटेडको शतप्रतिशत लगानीमा स्थापित संस्था आरविवि मर्चेन्ट बैंकिङ्ग लिमिटेडले आर्थिक वर्ष २०८०÷८१ सम्मको मुनाफाबाट कम्पनीको शेयरधनी राष्ट्रिय वाणिज्य बैंक लिमिटेडलाई चुक्ता पुँजीको १८% ले हुन आउने रकम ३,६०,००,००० रुपैयाँ (कर सहित) नगद लाभांश वितरण गर्ने भएको छ । कम्पनीको नवौं वार्षिक साधारण सभामा यो विषय पेश गर्ने निर्णय भएको हो । कम्पनीले शेयरधनी राष्ट्रिय वाणिज्य बैंक लिमिटेडलाई विगतवर्षहरु देखि नै लगातार नगद लाभांश वितरण गर्दै आएको छ ।
राष्ट्रिय वाणिज्य बैंक लि. कोष प्रवद्र्धक रही यस कम्पनी योजना व्यवस्थापक तथा डिपोजिटरी रहेको आरविवि म्युचुअल फण्ड अन्र्तगत सञ्चालित बन्दमुखी योजना आरविवि म्युचुअल फण्ड १ र आरविविम्युचुअल फण्ड २ ले आ.व.२०८०/०८१ को लागि योजनाको इकाई धनीहरुलाई करसहित क्रमशः३.८१% र ८.७४% का दरले योजनाको प्रतिफल वितरण गर्ने निर्णयसमेत गरेको छ ।
राष्ट्रिय वाणिज्य बैंक लिमिटेडको देशभर रहेका २९४ वटा शाखा कार्यालयहरुबाट हितग्राही तथा मेरो शेयर खाता खोल्ने कार्य पनि भइरहेको छ । कम्पनीले दूरदराजमा रहेका लगानीकर्तालाई हितग्राही खाता खोली लगानीको अवसर प्रदान गर्दै आइरहेको छ ।
आर्थिक वर्ष २०८०/८१ को मसान्त सम्ममा हितग्राही खाताको संख्यामा वृद्धि भइ करिब दुई लाख पुग्न लागेको र मेरो शेयरको ग्राहकको संख्या डेढ लाखमाथि पुगेको बैंकले जनाएको छ । यस कम्पनीले १५ वटा कम्पनीहरुको शेयर रजिष्ट्रारको कार्य गर्दै आईरहेको । यस कम्पनीले विभिन्न संस्थाको आइपीओ, एफपीओ, हकप्रद शेयर निष्काशन तथा व्यवस्थापनको कार्यहरु गर्दै आएको छ ।
